---
title: Дэлхийн хамгийн хүүхдэд ээлтэй төлөвлөлт бүхий 16 сургууль
description: Сайн сургууль нь хүүхдэд эрдэм мэдлэгийг түгээхийн зэрэгцээ, чанартай сургалтын орчноор хангахыг зорилгоо болгох нь зүйтэй.
image: https://info.ncd.mn/hubfs/zuun%20sidney%20pre%20school.webp
---
- И-Мэйл : [info@ncd.mn](mailto:info@ncd.mn)
- Утас : [+976 77002020](tel:+976-77002020)
- [mailto:info@ncd.mn](mailto:info@ncd.mn)
-
-
-
-
[](https://www.ncd.mn/mn?hsLang=en-us)
- [Нүүр](https://www.ncd.mn/mn?hsLang=en-us)
- [Бидний тухай](https://www.ncd.mn/mn/s/1/4?hsLang=en-us)
- [Төслүүд](https://www.ncd.mn/mn/b/3?hsLang=en-us)
- [Нийгмийн хариуцлага](https://www.ncd.mn/mn/b/11?hsLang=en-us)
- [БАРИМТЛАХ ЗАРЧИМ](https://www.ncd.mn/mn/s/11/17?hsLang=en-us)
- [БИДНИЙ ОРОЛЦОО](https://www.ncd.mn/mn/s/11/46?hsLang=en-us)
- [ТАНЫ САНАЛ](https://www.ncd.mn/mn/b/feedback/11?hsLang=en-us)
- [Мэдээ мэдээлэл](https://info.ncd.mn/mn/b/13?hsLang=en-us)
- [Блог](https://info.ncd.mn/blog?hsLang=en)
- [](https://www.ncd.mn/ens?hsLang=en-us)
[NCD Group](https://info.ncd.mn/blog/author/ncd-group) - Jul 3, 2020
# Дэлхийн хамгийн хүүхдэд ээлтэй төлөвлөлт бүхий 16 сургууль
Сайн сургууль нь хүүхдэд эрдэм мэдлэгийг түгээхийн зэрэгцээ, чанартай сургалтын орчноор хангахыг зорилгоо болгох нь зүйтэй.
Герман улсын Берлин хотноо зохион байгуулагдсан Дэлхийн Архитектурын Фестивалийн үеэр хамгийн гоёмсог орчинг бүрдүүлсэн сургуулийг шалгаруулсан бөгөөд, шилдгийн шилдэгт шалгарахаар Америкаас Вьетнам, Францаас Энэтхэг хүртэл олон сургуулийн дизайнууд өрсөлджээ.
Ингээд та бүхэндээ дэлхийн хамгийн гоёмсог сургуулиудын заримыг танилцуулъя:
## Австрали улсын “Зүүн Сиднейн Цэцэрлэгийн өмнөх насныхны сургалтын төв
Анги танхимуудыг гадна талбайтай залгаа бөгөөд хүүхдүүд мөлхөж, тоглож болох хиймэл зүлгэн талбайтай юм. Хүүхдүүд барилга доторх хиймэл зүлгэн талбайд мөлхөж эсвэл элсэн дээр үсэрч тоглох боломжтой.
*Архитектор: Andrew Burges Аrchitects*
**
## Австрали улсын Тоорак дүүрэгт орших Мандевиль Төв
Хурц өнцгүүдтэй гадаргуу нь гаднаасаа сүрдмээр харагдах авч дотроо тэс ондоо уур амьсгалыг бүрдүүлжээ. Ирсэн зочид өнгө алагласан буйдангууд дээр тухлан сууж байгалийн гоо үзэсгэлэнг таашаахын зэрэгцээ цайвар модон ханануудаас тайван уур амьсгалыг мэдрэх боломжтой.
*Архитектор: Architectus*
**
## Лондон хотын “Channing” охидын сургууль
Зуслангийн байшингуудыг хооронд нь залгачихсан мэт этгээд содон дизайнтай. Өндөр таазтай, орчин үеийн загварыг шингээсэн үзүүлэнгийн танхим нь 270 градусын тусгалтай суудлууд, давхралдсан хос бельэтажтай юм.
*Архитектор: BuckleyGrayYeoman*
**
## Австрали улсын Хауторн дүүрэгт орших Сэр Зелман Коуэны нэрэмжит шинжлэх ухааны төв
Байгалийн тогтоцыг санагдуулах таазруугаа уусан орох муруй шугаман хаалтууд гоо зүйн мэдрэмжийг бий болгожээ. Дотоод заслын ихэнх хэсгийг модоор урласан нь энд сурагчдад аятай тухтай, намуун тайван орчинг бүрдүүлэх зорилготой ажээ.
*Архитектор: Cox Architecture*
**
## Турк улсын Истанбул хотноо орших Бахрие Ужокын нэрэмжит цэцэрлэг
Эргэн тойрон мод зүлгээр хучигдсан энэ байгууламжын олон хэлбэр дүрсээс бүрдсэн гадаргуу нь хүүхдийн тоглоомын талбайг санагдуулам. Өнгө алаглуулсан шилтэй цонхнууд, явган хүний зам нь тус барилгыг бүүр ч хөгжилтэй сайхан харагдуулдаг.
*Архитектор: Dilekci Architects*
## Их Британи улсын Уэллсийн Катедрал сургуулийн хөгжмийн байгууламжууд
Үдшийн бүрийд нар жаргахтай зэрэгцэх тэнгэрийн туяарах өнгөтэй уусах намуухан зөөлөн гэрлийг энэ байшингийн нүүрэн хэсгээс харж болно. Өргөн саруул цонхтой концертын их танхимд сурагчдын тоглолтыг үзэгчдийн суудлын хамгийн арын эгнээнээс ч цэвэр сонсох боломжтой.
*Архитектор: Eric Parry Architects*
**
## 
## Эстони улсын Таллин хот дахь Рокка Аль Маре сургууль
Цутгамал хийцтэй түр зуурын анги танхимуудыг өргөтгөл болгон ашигладаг байна. Геометрийн дүрсүүдээс бүрдэх корридороор сурагчид куб хэлбэртэй ангидаа хүрдэг бөгөөд, ангийн нэг хана нь шалнаас тааз хүрэх цонх юм.
*Архитектор: Kodasema*
## Энэтхэгийн Аурангабад хотод байрлах Вокхардт Олон Улсын Сургууль
Дотоод засал чимэглэлээ гаднах ногоон байгальтайгаа нийцүүлэн сонгожээ. Таазанд байх дугариг онгорхойнууд нь тус сургуулийг агааржуулж, сэрүүцүүлдэг байна.
*Архитектор: Mandviwala Qutub & Associates*
## Нидерланд улсын Маастрихт хотын IKC de Geluksvogel бага сургууль
Орчин үеийн аж үйлдвэрийн хийцийг гадна дизайндаа шингээжээ. Харин энэ сургуулийн дотор тал нь модон материал, байгалийн өнгүүдийг ашиглаж, хурц өнгцүүдээс зайлсхийсэн нь илүү зөөлөн хэв маягийг бүрдүүлсэн байна.
*Архитектор: UArchitects and Misak Terzibasiyan*
## Норманди дахь Францийн Хоолны Урлагийн сургууль
Нам дор, газартай ойрхон бөгөөд, дөрвөлжин хайрцаг хэлбэрийн байгууламжууд нь байгалийн тогтоцыг санагдуулам. Нэгэн хэвийн хөрслөг загварыг орчин үеийн дизайнтай тэнцүүлэн нийлүүлэх зүйл нь өндөр шилэн цонхнууд юм.
*Архитектор: Atelier Arcau*
## АНУ-н Финикс хотын Био-Анагаахын шинжлэх ухааны хамтарсан төв
Цөлд байдаг улаан хаднуудыг дуурайлган барилгууд нь нэгэн хэвийн биш хоорондоо адилгүй налуу өнцгүүдээс бүрдсэн тогтоцтой. Барилгууд хоорондын мушгиралдсан замууд нь Аризонагийн хадархаг байгалийн нарийн жимүүдийг дуурайлгасан ажээ.
*Архитектор: CO Architects*
## Дюкийн Их Сургуулийн Баруун Кемпус
Дундад зууны архитектур, нэвт харагдах шилэн нүүр нь Харри Поттер киноны шидтэний сургууль Хогвартсын орчин үеийн хувилбар уу гэлтэй. Харин дотор тал нь бүхэлдээ орчин үеийн загвартай бөгөөд, том задгай талбай, өндөр тааз нь саруул уужим орчинг бий болгодог.
*Архитектор: Grimshaw*
**
## 
## Герман улсын Хэрэглээний Шинжлэх Ухааны Дюссельдорф Их Сургуулийн Дерендорф кемпус
## Үзэмжээс илүүтэй шинжлэх ухаанд суурилсан зай ашиглалт, гял цал зүйлгүй энгийн хандлгагыг баримталжээ. Бүхэлдээ бетон цутгамалаас бүтсэн энэхүү барилгын ганцхан өнгөлөг хэсэг нь гол танхимд байх улаан, хар өнгийн шат ажээ.
*Архитектор: Nickl & Partner Architekten*
## Их Британийн Кэнтербери хотын Кент Сибсоны Их Сургууль
Барилгын нүүрэн хэсгийг доороосоо гэрэлтэхээр хийжээ. Өдрийн цагт сурагчдын дээрээс байгалийн гэрэл тусах бөгөөд, цагаан хананууд нь бүүр ч их гэрэл гэгээ нэмдэг байна.
*Архитектор: Penoyre & Prasad*
**
## 
## Чикагогийн Их Сургуулийн Хойд дотуур байр
Муруй шугамууд нь барилгуудыг салангид мэт харагдуулах ажээ. Харин дотор засал нь орчин үеийн дизайныг энгийн өнгүүдийн хослолуудаар бүрдүүлснээрээ цэвэр цэмцгэр мэдрэмжийг төрүүлдэг ажээ.
*Архитектор: Studio Gang*
## **Вьетнам улсын Куи-Нён хотын** **Шинжлэх ухаан ба боловсролын Олон Улсын Төв**
Задгай талбайтай зуслангийн байрыг санагдуулах бөгөөд гаднах байгальтайгаа уусч зохицжээ. Саруул зайг бий болгох өндөр тааз, үүдний саруулхан асар, хаашаа л харна хаа сайгүй ширэнгэн ой нь, сурч боловсрох тайван таатай орчин бүрдүүлжээ.
*Архитектор: studioMilou*
**
NCD - Ногоон ирээдүйг бүтээнэ
[Ном](https://info.ncd.mn/blog/topic/ном) [Social Responsibility](https://info.ncd.mn/blog/topic/social-responsibility) [NCD Group](https://info.ncd.mn/blog/topic/ncd-group) [vega city](https://info.ncd.mn/blog/topic/vega-city) [хүүхдэд ээлтэй орчин](https://info.ncd.mn/blog/topic/хүүхдэд-ээлтэй-орчин)
Хуваалцах
-
-
-
- [mailto:?subjetc=&body=%D0%94%D1%8D%D0%BB%D1%85%D0%B8%D0%B9%D0%BD+%D1%85%D0%B0%D0%BC%D0%B3%D0%B8%D0%B9%D0%BD+%D1%85%D2%AF%D2%AF%D1%85%D0%B4%D1%8D%D0%B4+%D1%8D%D1%8D%D0%BB%D1%82%D1%8D%D0%B9+%D1%82%D3%A9%D0%BB%D3%A9%D0%B2%D0%BB%D3%A9%D0%BB%D1%82+%D0%B1%D2%AF%D1%85%D0%B8%D0%B9+16+%D1%81%D1%83%D1%80%D0%B3%D1%83%D1%83%D0%BB%D1%8C%20-%20https://info.ncd.mn/blog/дэлхийн-хамгийн-хүүхдэд-ээлтэй-төлөвлөлт-бүхий-16-сургууль](mailto:?subjetc=&body=%D0%94%D1%8D%D0%BB%D1%85%D0%B8%D0%B9%D0%BD+%D1%85%D0%B0%D0%BC%D0%B3%D0%B8%D0%B9%D0%BD+%D1%85%D2%AF%D2%AF%D1%85%D0%B4%D1%8D%D0%B4+%D1%8D%D1%8D%D0%BB%D1%82%D1%8D%D0%B9+%D1%82%D3%A9%D0%BB%D3%A9%D0%B2%D0%BB%D3%A9%D0%BB%D1%82+%D0%B1%D2%AF%D1%85%D0%B8%D0%B9+16+%D1%81%D1%83%D1%80%D0%B3%D1%83%D1%83%D0%BB%D1%8C%20-%20https://info.ncd.mn/blog/дэлхийн-хамгийн-хүүхдэд-ээлтэй-төлөвлөлт-бүхий-16-сургууль)
Өмнөх нийтлэл
[Хүн байгалийн холбоос](https://info.ncd.mn/blog/%D1%85%D0%B0%D1%80%D1%83%D1%83%D1%86?hsLang=en-us)
Дараагийн нийтлэл
[Байр худалдан авахад тулгардаг олон сонголтуудаас ЗӨВ сонголтыг хэрхэн хийх вэ ?](https://info.ncd.mn/blog/%D0%B1%D0%B0%D0%B9%D1%80-%D1%85%D1%83%D0%B4%D0%B0%D0%BB%D0%B4%D0%B0%D0%BD-%D0%B0%D0%B2%D0%B0%D1%85%D0%B0%D0%B4-%D1%82%D1%83%D0%BB%D0%B3%D0%B0%D1%80%D0%B4%D0%B0%D0%B3-%D0%BE%D0%BB%D0%BE%D0%BD-%D1%81%D0%BE%D0%BD%D0%B3%D0%BE%D0%BB%D1%82%D1%83%D1%83%D0%B4%D0%B0%D0%B0%D1%81-%D0%B7%D3%A9%D0%B2-%D1%81%D0%BE%D0%BD%D0%B3%D0%BE%D0%BB%D1%82%D1%8B%D0%B3-%D1%85%D1%8D%D1%80%D1%85%D1%8D%D0%BD-%D1%85%D0%B8%D0%B9%D1%85-%D0%B2%D1%8D?hsLang=en-us)
Content Title
Description
ХУД, 17-р хороо, Их Монгол Улсын Гудамж "Ривер Гарден" 2, 406-р байр, Борлуулалтын алба
### Бүтэц
[Нүүр Хуудас](https://www.ncd.mn/mn?hsLang=en-us)
[Бидний Тухай](https://www.ncd.mn/mn/s/1/4?hsLang=en-us)
[Төсөл](https://www.ncd.mn/mn/b/3?hsLang=en-us)
[Нийгмийн Хариуцлага](https://www.ncd.mn/mn/b/11?hsLang=en-us)
[Мэдээ Мэдээлэл](https://info.ncd.mn/mn/b/13?hsLang=en)
### Төслүүд
[](http://vegacity.mn/) [](http://casa-davinci.mn/)
[](http://garden-city.mn/) [](http://riverplaza.mn/)
### Мэдээлэл Авах
© Copyright 2022 | Designed By [BZP Design&Development](https://Bzp.mn)