Монгол түмэн их эртнээс үндэсний баяр наадмыг тэмдэглэж ирсэн түүхтэй. Ялангуяа Чингис хааны үеэс буюу XII-XIII зууны үед наадамд их ач холбогдол өгч, хотол олноороо эртнээс бэлтгэн тэмдэглэж иржээ. Тухайн үед наадам "хуран сар"-д болдог байсан нь одоогийн долдугаар сарыг илэрхийлж байгаа юм. Энэ баяр наадмын үед эр хүний хүч самбааг сорих бөхийн барилдаан, нум сум харвах эрдэм, хүлэг морины хурд сорих уралдаан гэсэн 3 төрлийн тэмцээн тусгай ёс журмын дагуу явагддаг.
Улсын баяр наадамд 512, 1024 бөх, орон нутгийн чанартай наадамд 32, 64, 128, 256 бөх барилддаг байна. Бөхчүүд наадмын дэвжээн дээр гарч ирэхдээ наран мандах зүг болох зүүн талын магнайдаа хамгийн дээд цолтой бөхийг зогсоодог уламжлалтай. Энэ мэтчилэн бөхчүүд цолны дэс дарааллаар гарч ирсээр 16 бөх, 16 засуулын хамт гарч бөхийн барилдааныг нээдэг уламжлалтай.
Үндэсний их баяр наадмыг бүрдүүлэгч нэгэн төрөл нь хурдан морины уралдаан юм. Хурдан морины уралдаан Хүннү гүрний үеэс үүссэн түүхтэй. Жил бүр Улаанбаатар хотод 6 насны ангилалд дунджаар 400 морь буюу хоёр өдөрт 2400 морь уралддаг. Хурдан морины уралдааны үеэр их насны морьдыг л 25-30 км, соёолон болон азаргыг 20 км, хязааланг 18 км, шүдлэнг 15 км, даагыг 10 км орчим газраас уралдуулдаг.
Үндэсний сурын харваа чулуун зэвсгийн үед үүссэн гэж үздэг. Сур харвааны хамгийн эртний хэлбэр нь аль болох хол зайд бай шавыг цэцэн мэргэн оноход чиглэгдсэн зэв нүүлгэх тэмцээн байсан. Зэв нүүлгэх хэмээн нэрлэсний учир нь болцуут сум арай хожуу үүссэн учраас эрт үед зэвт сум ихэвчлэн хэрэглэдэг байсантай холбоотой юм байна. Монгол улсын түүхэнд хамгийн хол харвасан хүн бол Чингис хааны ач хүү Есүнхэн харвасан сум. Энэхүү сум нь 520 метрийн зайд туссан юм.
Богд Хан уулын бэл, Хатан Туул голын хөвөөнд “River Garden” хотхоны баруун талд 5 га газрыг хамран байрлах ба 360 айлын экстерьерийн өвөрмөц зууван хийцтэй, интерьерийн оновчтой шийдэл бүхий 15 давхар 7 орон сууцны барилга, оршин суугчдад хэрэгцээт худалдаа үйлчилгээг цогцоор нь шийдсэн ногоон хотхон. Хамгийн сүүлийн үеийн дэвшилтэд технологид суурилсан ухаалаг гэрийн шийдлийг бид River Garden 2-р ээлжийн орон сууцанд суурилууллаа. Та манай хотхоны дэлгэрэнгүй танилцуулгыг татаж авахыг хүсвэл дараах холбоосоор зочлон манай хотхоны танилцуулгыг татаж аваарай. Баярлалаа.