Интерьерт онцлох шинэ чиг хандлага

Сүүлийн жилүүдэд Япон болон Скандинавын дизайны минималист хэв маягийг Италийн сонгодог классик декор чимэглэлийн дулаан, тохь тухтай хослуулсан интерьер дизайны чиг хандлага өсч байна. Энэхүү өвөрмөц хольцыг Japandi гэж нэрлэдэг бөгөөд энэ нь сүүлийн жилүүдэд хүч түрж байгаа загварын чиг хандлагын нэг болж байна.
Japandi дизайны нэгэн жишээ болгон Casa Da Vinci хаус хотхоны Загварын хаусыг танилцуулж байна. Тус загварын хаус нь  нийт 325 м2 талбайтай 2 давхар Сингл хаус байх бөгөөд гэгээлэг, төвийг сахисан өнгө, шинэ загварын элементүүд, Итали маягийн дулаан тохилог декор чимэглэлүүдийг хослуулан загварлаг мөртлөө тав тухтай орон зайг бий болгож чадсанаараа онцлог юм.
Japandi дизайны онцлог шинж чанаруудын нэг нь амьдрах орон зайд гэгээлэг, төвийг сахисан өнгийг ашиглах бөгөөд энэ нь өрөөг байгалийн гэрэлтэй, гэгээлэг, агаартай орчин болгон хувиргадагаараа гайхалтай. Мөн энэхүү хэв маяг нь ихэвчлэн дугуйрсан булан тохой, хагас дугуй хэлбэр, динамик тодосгогчуудыг багтаасан байдаг нь сонирхолтой  хэрнээ загварлаг орчныг бий болгодог юм.

Тус хаусны гадна эдэлбэр газрын талбай нь газар дундын тэнгисийн амар амгаланг задгай агаарт хооллох баяр баясгалантай хослуулсан мэт мэдрэмж өгөх тул энд мөн онцлох нь зүйтэй. Энэхүү эдэлбэр газар бүхий хаус нь байгалийн үзэсгэлэнт газар амарч, алжаалаа тайлахыг хүссэн хэн бүхний сонголт байх болно. 

Зочны өрөө
Зочны өрөөний хэсэг нь хагас дугуйрсан хэлбэр, цайвар өнгөний хослолоор орчин үеийн уур амьсгалыг илтгэсэн. Ногоон өнгийн тодотгол нь орон зайд байгалийн өнгө аясыг нэмж өгдөг бол гантиг чулуун өнгө нь тансаг мэдрэмжийг төрүүлдэг. Эдгээр элементүүд нийлээд орчин үеийн, загварлаг хослолыг бүрдүүлж, амрах тухлахад илүү таатай орон зайг бий болгосонооороо онцлог юм. 

Унтлагын өрөө:
Гэрэл гэгээтэй, агаарлаг унтлагын өрөө нь динамик тодотгол бүхий элементүүдээр дүүргэгдсэн цэвэрхэн бөгөөд минималист гоо зүйн мэдрэмж өгөх онцлогтой. Эдгээр тодотголууд нь дизайны үндсэн концепци болон ерөнхий цайвар өнгөний хослолыг алдагдуулахгүйгээр орон зайд өвөрмөц дүр төрхийг нэмдэг. Эдгээр хослолын үр дүнд урт өдрийн дараа тайвшрах мэдрэмжийг өгөх тансаг хэрнээ урам зоригтой орчныг бий болгож байгаа юм.

Japandi интерьер дизайн нь таны гэрийг дулаахан, зочломтгой, загварлаг болгох нь гарцаагүй бөгөөд сэтгэл хөдөлгөм, шинэлэг чиг хандлага юм. Иймд та одоо байгаа засал чимэглэлдээ шинэ элемент нэмж амьдрах орчноо цоо шинэ, өөр болгохыг хүсч байгаа бол Japandi чиг хандлагыг туршаад үзээрэй.