<img height="1" width="1" src="https://www.facebook.com/tr?id=442603945931956&amp;ev=PageView &amp;noscript=1">
NCD Group - May 10, 2021

Хүнийг стрессдэхэд нөлөөлдөг хүчин зүйлс

Бид өмнөх өмнөхөөсөө илүү хотожсон, илүү хөдөлгөөнтэй нийгэмд амьдарч байна. Энэ нь бидний амьдралд олон талын давуу байдал, илүү олон сонголт бий болж байгаа нь сайхан ч нөгөө талаас бид сэтгэцийн болон сэтгэл зүйн эрүүл мэндийн томоохон сорилтуудтай нүүр тулж үүнээс үүдэлтэй стресс бухимдалд өртөх нь ихэсжээ. Стресс, бухимдал үүсэх голлох шалтгаанд дараах хүчин зүйлс ордог.

  • Нийгэм, хүрээлэн буй орчин
    • Нийгмийн асуудал
    • Дуу чимээ
    • Эмх замбараагүй орчин 
    • Автомашины зогсоолын хүрэлцээгүй байдал
    • Түгжрэл гэх мэт шууд өөрчлөх боломжгүй хүчин зүйл
  • Гэнэтийн үйл явдал
    • Дотны хүнээ алдах
    • Гэр бүлийн маргаан
    • Бусадтай санал зөрөлдөх гэх мэт гэнэтийн хүчин зүйл
  • Амьдралын хэв маяг
    • Хэт ачаалалтай ажиллах
    • Архи, тамхи хэтрүүлэх хэрэглэх
    • Буруу хоолны дэглэм 
    • Өөрийгөө хэт шүүмжлэх гэх мэт өөрөө өөрчлөх боломжтой хүчин зүйлсээс шалтгаалдаг байна. 

Амьдралын хэв маяг болон гэнэтийн үйл явдлаас үүдэлтэй стресс бухимдлаас тодорхой сэтгэл зүйн эмчилгээ, бясалгал, дасгал хөдөлгөөн, өөрийгөө тайвшруулах аргуудаар дамжуулан ангижрах боломжтой гэж эмч, мэргэжилтнүүд үздэг. Харин нийгэм, хүрээлэн буй орчноос үүдэлтэй стресс, бухимдалд хүн хүссэн хүсээгүй өртдөг учир аль болох үүнээс өөрийгөө хол байлгах шийдлийг өөртөө бий болгох хэрэгтэй. Өдөр бүр нүүр тулдаг нийгэм, хүрээлэн буй орчны хүчин зүйлсээс хамгийн түгээмлийг авч үзвэл. 

Замын түгжрэл

2020 оны байдлаар 1,499,140 хүн амтай Улаанбаатар хотод бүртгэлтэй  615,622 тээврийн хэрэгсэл хөдөлгөөнд оролцдог буюу 2 хүн тутмын нэг нь тээврийн хэрэгслээр хөдөлгөөнд оролцож байна. Бид харилцан адилгүй цагийн хувиараар амьдардаг ч ихэнх нь гэр - хүүхдийн сургууль - ажил гэсэн тойрогт замын түгжрэл дунд өнгөрүүлдэг нь стресс бухимдал үүсгэх гол хүчин зүйл болж байна.  

Автомашины зогсоол

Зогсоолын хүрэлцээ, зогсоол дээрх ослууд бол стресс өдөөгч хүчин зүйлсийн тэргүүлэх шалтгаануудын нэг. Бидний ихэнх нь сул машины зогсоол хайн хий дэмий цагийг алддаг. Нөгөөтээгүүр аливаа үл хөдлөх оршин суугч болон албан байгууллагын хэрэгцээнд хангалттай хүрэлцэхгүй автомашины зогсоолын шийдэлтэй байгаа нь хүмүүс стресст өртөх гол шалтгаан болж байна. 

Дуу чимээний бохирдол

Машины дуут дохио, барилгын ажлын, ажлын байр болон гэр ахуйн чимээ гээд олон нийтийн бий болгож буй маш олон дуу чимээн дунд амьдарч байна. Эдгээр орчны дуу чимээг бууруулахад ногоон байгууламж тодорхой голлох үүргийг гүйцэтгэдэг. Гэхдээ манай Монгол улсын хувьд дэлхийн жишиг стандартаар 4-6 дахин бага байдаг нь дуу чимээнээс үүдэлтэй стресс бухимдалд өртөх нь түгээмэл байдаг байна.  

Холбоотой нийтлэл: Ногоон байгууламжийн дэлхийн жишиг стандарт

Дээр дурдсанчлан нийгэм, хүрээлэн буй орчноос үүдэлтэй стресс, бухимдал үүсгэгч эдгээр олон төрлийн хүчин  зүйлсээс зугтах боломжгүй ч амьдрах орчноо зөв сонгох нь стресс бууруулах, амьдралын чанараа сайжруулахад чухал нөлөө үзүүлдэг билээ. Хүүхэд аюулгүй тоглох тоглоомын талбайтай, автомашины зогсоолын хүрэлцээтэй, дуу чимээ тусгаарлах ногоон байгууламжийн шийдэлтэй байршлыг сонгон амьдарснаар сэтгэл амгалан стресс бухимдалд өртөх эрсдэлээс өөрийгөө болон гэр бүлээ хамгаалах боломжтой шүү.


GARDEN CITY 2 хотхоны танилцууга 

NCD Group-ийн хэрэгжүүлж буй GARDEN CITY цогцолбор хотхон нь ирээдүйд үнэ цэнэ нь өсөн нэмэгдэх байршилд аюулгүй байдал, тав тухыг дээд зэргээр хангасан байгаль орчин, хүний эрүүл мэндэд ээлтэй технологийн дагуу, Евро стандартад нийцсэн материал, тоноглолуудыг ашиглан шилдэг архитектур болон дизайны шийдлээр сүндэрлэж буй орон сууцны хотхон юм.

Garden City