Өнгө нь бидний амьдрах орчин, интерьерийн чиг хандлагад томоохон үүрэг гүйцэтгэсээр ирсэн. Интерьер дизайны хувьд 2017 он урьд өмнөх жилүүдээс хамаагүй сонирхолтой болж байна. 2016 онд гэгээлэг цайвар өнгө зонхилж байсан бол энэ жил ихэвчлэн төвийг сахисан бараан өнгүүд мэргэжилтнүүдийн анхаарлыг татаж байна.
Мэргэжлийн интерьер дизайнерууд 2017 онд дараах 4-н өнгийг интерьертээ ашиглахыг санал болгож байна.
Интерьерийн чиг хандлага | Гүн ногоон өнгө
Энэхүү өнгө нь барилга архитектур болон интерьер дизайнд өргөн хэрэглэгдэх болсноос хойш хэзээ ч хэрэглэгдэж байгаагүйгээрээ 2017 онд хэрэглэгдэнэ гэж мэргэжилтнүүд үзэж байна. Өдрийн ихэнх цагийг та хаана өнгөрүүлдэг вэ? Яг тэр өрөөгөө ногоон өнгөөр тохижуулаарай. Таны сэтгэл зүй, эрүүл мэндэд маш сайнаар нөлөөлж чаддаг ногоон өнгө бүх цаг үеийн интерьер дизайнд зонхилсоор ирсэн. Энэ удаад ч мөн адил мэргэжилтнүүд гүн ногоон өнгийг онцоллоо. Ногоон өнгө нь таныг тайвшруулах, стресс тайлах ид шидтэйгээс гадна бүтээлч байх, ном унших сэдлийг төрүүлж өгдөг. Өдөр тутмын нэг хэвийн амьдралд бага ч гэсэн өнгө нэмж, өөдрөг уур амьсгал оруулах энэ трендийг ихэнх томоохон брэндүүд нэгэн зэрэг санал болголоо.
Интерьерийн чиг хандлага | Цэнхэр өнгө
Цэнхэр өнгө тийм ч шинэлэг тренд биш боловч дизайнерууд жил бүр цэнхэр өнгө зонхилсон интерьерийн загварыг онцолж, урьд өмнөхөөсөө өвөрмөц байдлаар танилцуулж байна. Шинэ зууны сонгодог өнгө гэгдэж буй цэнхэр өнгө нь таны ертөнцийг илэрхийлэх өнгө бөгөөд ажлын өрөө, өөрийн хувцасны өрөө гээд зөвхөн таныг илэрхийлэх өрөөндөө заавал шингээж өгөөрэй. “Энэ өнгө нь нууцлаг орчныг танд мэдрүүлнэ” хэмээн мэргэжилтнүүд зөвлөж байна.
Интерьерийн чиг хандлага | Ухаа саарал өнгө
Энэ жилийн хамгийн гол өнгөөр маргаангүй ухаа саарал өнгө болон түүний зэргэлдээ туяанууд тодроод байна. Саарал, хул зэрэг саармаг өнгөнүүд нь өрөөг илүү том, цэлгэр харагдах боломжийг олгодог. Өөрөөр хэлбэл ухаа саарал өнгө нь төгс төвийг сахисан өнгө юм. Хэт хүйтэн эсвэл хэт дулаан уур амьсгалыг таны гэрт бий болгохгүй боловч хэнд ч үл анзаарагдам атлаа тайван тансаг орчинг танай гэрт бүрдүүлж өнгө. Энэ жилийн байж болох хамгийн эмэгтэйлэг аястай өнгө гэгдэж байна.
ХОЛБООТОЙ: "River garden II" хотхоны интерьер дизайны шийдэл
Интерьерийн чиг хандлага | Бараан өнгө
Томоохон брэндүүдийн загварын өрөөнүүдэд цэнхэр, саарал зэрэг цайвар өнгөнүүд давамгайлсан хэдий ч хар өнгөнөөс эхлээд , хар хөх, хар ногоон хүртэлх бусад бараан өнгөнүүд ч бас дизайнеруудын сонголтод багтлаа. Бараан өнгө бол яах аргагүй энэ жилийн чиг хандлагын томоохон төлөөлөл болж байна. Бараан өнгийн нэг том эсвэл олон жижиг чимэглэлийг ашиглан харааны хуурмаг үзэгдлийг бий болгон орон зайгаар тоглох шинэ боломжийг олгож байна. Ерөнхийдөө энэ жилийн хамгийн гол өнгөөр хар өнгө тодрох магадлал маш өндөр байна.
"River Garden" хотхоны 2-р ээлж
Богд Хан уулын бэл, Хатан Туул голын хөвөөнд “River Garden” хотхоны баруун талд 5 га газрыг хамран байрлах ба 360 айлын экстерьерийн өвөрмөц зууван хийцтэй, интерьерийн оновчтой шийдэл бүхий 15 давхар 7 орон сууцны барилга, оршин суугчдад хэрэгцээт худалдаа үйлчилгээг цогцоор нь шийдсэн ногоон хотхон. Та дараахь холбоосоор зочлон манай хотхоны танилцуулгыг татаж аваарай. Баярлалаа.
Амжилттай бизнес эмэгтэйн 5 дадал