Арван жилийн хугацаанд Garden City хотхон нь орон сууц, барилга байгууламжаас бүрдэх хотхон төдий бус, олон гэр бүлийн амьдралын үнэ цэнтэй мөчүүд өрнөж, хүүхдүүд өсөж торнин, хөршүүдийн нөхөрлөл бий болсон амьдралын цогц орчин болон хөгжжээ. 2016 оноос эхэлсэн бүтээн байгуулалт нь өнөөдөр гэр бүлүүдийн өдөр тутмын хэрэгцээ, тав тух, амьдралын чанарыг нэг дор бүрдүүлсэн хотхоны үнэ цэнийг илэрхийлж байна.
1,000 гаруй айл өрхийн аз жаргалтай амьдрал
Garden City хотхонд өнөөдөр 1,000 гаруй айл өрх амьдарч, өөр өөрийн амьдралын түүх, аз жаргалтай дурсамжийг бүтээж байна. Анхны гэрээ сонгосон залуу хосууд, үр хүүхдээ өсгөн хүмүүжүүлж буй гэр бүлүүдийн амьдралын үнэ цэнтэй мөч бүр энэ хотхоны түүхийн нэг хэсэг болжээ. Ийнхүү Garden City нь зөвхөн амьдрах орон зай бус, үе үеийн гэр бүлийн амьдрал үргэлжлэх үнэ цэнтэй орчин болж хөгжсөн юм.
Байгальд ойр амьдрал, ногоон байгууламжаар хүрээлэгдсэн
Хотын амьдралын тав тухыг байгальд ойр орчинтой хослуулах зорилгын хүрээнд Garden City хотхонд нийт 15га газрын 50%-д нь ногоон байгууламжийг бүрдүүлжээ. Мод, бут сөөг, ногоон зүлэг, алхах болон амарч тухлах орон зай нь оршин суугчдад гэрээсээ холдохгүйгээр байгальтай ойр байх боломжийг олгодог. Энэхүү ногоон орчин нь хотхоны өнгө төрхийг тодорхойлохоос гадна гэр бүлүүдийн өдөр тутмын амьдралын чанарыг нэмэгдүүлэх чухал үнэ цэнэ юм.
Дэлхийн боловсролыг хотхоноосоо
Хүүхдийн сурч боловсрох орчин гэртэйгээ ойр байх нь гэр бүлийн өдөр тутмын амьдралд цаг хугацаа, тав тухын томоохон давуу тал болдог. Garden City хотхонд Кембрижийн хөтөлбөртэй, 1,000 хүүхдийн хүчин чадал бүхий сургууль, цэцэрлэгийг цогцлоосноор хүүхдүүдийн боловсрол, хөгжлийг дэмжих орчныг бүрдүүлжээ. Энэ нь эцэг эхчүүдийн өдөр тутмын зохион байгуулалтыг хөнгөвчилж, хүүхдүүд танил, ойр орчиндоо сурч хөгжих боломжийг бий болгож байна.
Хүүхэд бүрийн дурсамж бүтэх тоглоом, спортын талбай
Хүүхдийн хөгжил зөвхөн анги танхимаар хязгаарлагдахгүй бөгөөд тоглох, хөдөлгөөн хийх, найз нөхөдтэйгөө харилцах орчноос эхэлдэг. Garden City хотхонд төрөл бүрийн спорт болон хүүхдийн тоглоомын талбайг төлөвлөснөөр бүх насныханд идэвхтэй, эрүүл амьдралын хэв маягийг дэмжих боломжийг бүрдүүлсэн. Хүүхдүүдийн инээд хөөр, найз нөхдийн нөхөрлөл, гэр бүлээрээ өнгөрүүлэх чөлөөт цаг нь хотхоны өдөр тутмын амьдралыг илүү баялаг болгож байна.
10 жил. Нэг хотхон. Мянга мянган түүх.
Garden City-ийн үнэ цэнийг зөвхөн барилга байгууламж, ногоон байгууламж, дэд бүтцийн хэмжээгээр тодорхойлох боломжгүй. Харин эдгээр бүтээн байгуулалтын дунд өрнөж буй гэр бүлийн амьдрал, хүүхдүүдийн өсөлт хөгжил, хамтдаа бүтээсэн дурсамж бүхэн хотхоны жинхэнэ үнэ цэнийг илэрхийлдэг.
GARDEN CITY STORIES — Бид хотхон бүтээсэн. Харин энд амьдралын түүхүүд үргэлжилж байна.
QUALITY OF LIFE MANIFESTO